Google ADS

Kastrati tregon edhe sa raste aktive me COVID-19 janë në Kamenicë

21:49 | 28 Maj 2020
L G

Kryetari i Komunës së Kamenicës, Qëndron Kastrati ka treguar se në këtë komunë aktualisht janë vetëm edhe tri raste aktive me COVID-19.

Ai, thotë se deri tash  nga gjithsej 40 persona të infektuar  janë shëruar 37 prej tyre, raporton arbresh.info.

“Dy mostra të marra nga IKShP kanë rezultuar negativ me COVID-19, kurse një person tjetër nga Topanica është shëruar plotësisht. Bilanci me COVID-19 në komunën tonë: 40 të infektuar, 37 të shëruar, 3 raste aktive. Faleminderit Kamenicë për përgjegjshmërinë e treguar gjatë gjithë kësaj kohe dhe uroj që tri rastet aktive të shërohen së shpejti”, ka shkruar  Kastrati në Facebook.

Instituti Kombëtar i Shëndetësisë Publike të Kosovës, ka bërë të ditur se gjatë ditës së sotme në Kosovë janë shëruar 19 persona nga ky virus si dhe janë shënuar edhe katër raste të reja me COVID-19./arbresh.info

Postimi i plotë:

Shpërndaje në rrjete sociale

Lajmet më të lexuara

Të ngjashme

Foto lajm